Lagos Boys Obtain Cash From Emenike For Airport
Some naija boys when their body they hot obtain some cash and club jerseys from Emmanuel Emenike, the player when save Nigeria when we play Ethiopia inside Addis ababa Stadium. the gbage happen for Muritala Mohammed international airport lagos, when Emenike wan go Turkey at 9 p.m, the player even carry gaint follow body, but the naija boys no wan hear, when Emenike see say boys nor they smile, na he come start to they give money and jersey.
we throway salute for Emenike for the two goals when he score for the match, na because of the goal Nigeria go fit play for the second leg when go hold for November 16 for Calabar.
Emenike come talk say e they sweat am to play for naija, but sometimes he they paroll cos say somethings nor arrange well fro naija.
he come still talk say he nor be our bros J oh, say na God just help he leg to score that goal when he sccore for the match. say anybody fit score goal for football.
when them come ask am why he nor dance Azonto when he score, Emenike come say time never reach to jolly, say he go dance wella when naija win they final match for calabar
0 comments:
Post a Comment